»-(¯`دموع العراق´¯)-»:

»-(¯`دموع العراق´¯)-»:

»-(¯`دموع العراق´¯)-»:
 
الرئيسيةالبوابةس .و .جبحـثالتسجيلدخول

شاطر | 
 

 قصيدة ام لابنها (حزينه جدا!)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: قصيدة ام لابنها (حزينه جدا!)   الثلاثاء أكتوبر 27, 2009 9:29 am

السلام عليكم ورحمه الله وبركاته

قصيدة ام استشهد ابنها في حادثة جامعة المستنصريه (قصة حقيقة)


رايح عالنتيجه اوراجع ابساع
موهذا كلامك يمه ليه


ليش اتعطلت يمه العصر فات
اوبدت تعصر ابروحي المغربيه


هلاهل ترس صدري اوبيدي جكليت
اوكبل اسبوع مشتريه الهديه


اتاني اوخبر عاجل طگني بالگاع
انفجار الجامعه المستنصريه


ولك يمه وصلتك ازحف ازحوف
لأن رجليه ماتن گبل اديه


لگيت اكتابك اوماشفتك اوياه
عفته اشلون مو رحتو سويه


اوجثه اتصيحلي من بين الرماد
موهيه گلت وآنه ادري هيه


حاجيني دخيلك ياضوه العين
الشضيه الصابتك موبيك بيه


انا اشتاگيت ابوس اجفوفك اليوم
ابگد مابوست انته بديه


وصية والدك بيدي آنه احنيك
ترضه ايگول خلت بالوصيه


اعرفك غيره كلك تذبح الموت
اوتگعد بس اشگ ثوب العليه


اعز الناس جنت اتگلي ياحيف
اعز الناس ذلتهه المنيه


ياجف القدر المن انمديت
ليش اتناوشت نجم الثريه


ابني البجت لمصابه الحمامات
وغتاظ الگمر ونخسف ضيه


ابني ابن العراق وامه بغداد
ياهو الكتب مجهول الهويه

الرجوع الى أعلى الصفحة اذهب الى الأسفل
°l||l°تاجر الاحزان°l||l°
حكومة المنتدى
حكومة المنتدى
avatar

الماعز
عدد الرسائل : 411
العمل/الترفيه : عطال بطال
تاريخ التسجيل : 22/06/2009
السٌّمعَة : 0

مُساهمةموضوع: رد: قصيدة ام لابنها (حزينه جدا!)   الثلاثاء أكتوبر 27, 2009 10:08 am

الله يرحم جميع شهداء العراق

مشكور حبي على

القصيده المئلمه

تحياتي

تاجر الاحزان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.iraq2009.yoo7.com
قناص البصره
حكومة المنتدى
حكومة المنتدى
avatar

الثعبان
عدد الرسائل : 1602
العمل/الترفيه : ادارة المنتدى
تاريخ التسجيل : 25/07/2008
السٌّمعَة : 11

مُساهمةموضوع: رد: قصيدة ام لابنها (حزينه جدا!)   الخميس أكتوبر 29, 2009 1:47 am

ارد عليك بهاي القصيده

ذوله طيور مالك فجرتهم ليش ..................... وحمامات السلامه شبيك تذبحهن
ذيج الناس تزرع بالحديقه ورود ..................... واحنه بمقبره الوردات نزرعهن
مثل شدة ورد واطشرن على الكاع ...............ولان ميت ضميرك ردت تسحقهن
ذني ورود جنه وبارض بغداد.........................ما تعرف تشمهن ليش تكطعهن
مسيحيات ماتن بس عراقيات .......................ولان ميت ضميرك ردت تسحكهن
اشك الفجروهن مو عراقيين .......................اوهام على الحقيقه وردت ارهمهن
بس موقف هضمني وهز ضمير الكون ...............واحد دنت نفسه وباك معضدهن
انه الجنت يمهن شاهد اعلى الصار...................شك زيج الرصيف وضم كصايبهن
انحنه شايب عليهن جسمه كله جروح ..............طلع هذا العراقي يصير والدهن
صرخ ذني بناتي امكشفات اشلون .................جيب الخارطه يحسين نسترهن
خرز من نور ذني اشلون منظومات ..................دمهن خيط نور والله لاظمهن
ذني اجمل كلاده بركبت التاريخ .....................وبصدره العراق نواط علكهن
ولا جيت لهواجس مثل بعض الناس.................هواجس هيه جتني وراد انصفهن
صوره ابطن صوره اتعب الرسام ....................لكن عيب اتعب وانه شاعرهن
موش بقطعه سوده ونكتب استنكار................لازم قطعه بيضه اتكون ربطتهن
امهن تنتظرهن عينه على الباب ..................وبس تابوت اجاه شلون حال امهن
عزرائيل يمهن لحظة التفجير ......................خجل من شاف ظلهن كام يسترهن
انته والجابوك ما اكول اجلاب .....................ما ترضه الجلاب العار يلحكهن

تقبل مروري يا الغالي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: قصيدة ام لابنها (حزينه جدا!)   السبت أكتوبر 31, 2009 9:11 am

منور الموضوع تاج راسي بدر

وشكرا على القصيده الحلوه
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: قصيدة ام لابنها (حزينه جدا!)   الأحد نوفمبر 01, 2009 12:55 am

Crying or Very sad Crying or Very sad Crying or Very sad رحم الله الشهيدين .. أوسكنهم وواسع رحمته
شكرا منهل ع الموضوع
الرجوع الى أعلى الصفحة اذهب الى الأسفل
 
قصيدة ام لابنها (حزينه جدا!)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
»-(¯`دموع العراق´¯)-»: :: القسم الادبي :: منتدى الشعر الشعبي-
انتقل الى: