تموتني بجمالك
لا تطلع حبيبي هواي بالصيف
لان من الشمس خافنك تموع
&&&
تفر بالسنه مره الشمس عالناس
وعليك تدور كل ايام الاسبوع
&&&
الك بستان عمري اشكال والوان
تكطع ما يعجبك كلشي مشروع
&&&
واجيت استغربت ما كاطع اي شي
من رديت اثاري النفس مكطوع
&&&
تموتني بجمالك لمن تفوت
وتضل روحي تون وتصيح وتلوع
&&&
واكولن اشتريك ابيش ما جان
والكه بلا سعر لك اني مبيوع
&&&
بيدك تذب بيه النار وتزيد
وتشب بيه المواكد بين الضلوع
&&&
واجيت بايدي احركك واخذ الثار
وثاري بايدي عالك عشر الشموع
&&&
كلامي تسمعه كل الناس وتخاف
وما اذكر سمعت بيوم موضوع
&&&
بس انت عكس حجيي تخلي
وعلى حجيك اكلك صار مسموع
&&&
العسل صافن عليك وصجم شفاف
انه باذني سمعته بصوت موجوع
&&&
كل لشفتك اخرب عالوياج
دحني على العسل مو كاتله الجوع
&&&
الشي من ينمنع ترغب اله الناس
يعني اصل المنع بالرغبه مطبوع
&&&
بس انه رغبتك وانت مسموح
عجب رايد عليه تصير ممنوع
&&&
الك عندي كلب ما عاشك انسان
ولا نزل ابد عد غيرك دموع
&&&
اخذه اخذه وبي ضمان ايام وسنين
اذا كلبك عشك يالغالي مرجوووع